Kung Ibig Mong Mawaglit sa Kasalukuyan

Kung ibig mong mawaglit sa kasalukuyan
Ang pagtakas ay isipin na karuwagan
Harapin nakapikit na katotohanan
Malupit niyang kaanyuan ay titigan.

Kapain mo, kaibuturan ng 'yong dibdib
Hanggang ang sarili ay tuluyang malupig
Sige, magpakalunod sa 'sang timbang tubig
Habang nabubulunan sa munting pinipig.

Tulugan ang bulaang pantasya't alamat
Umasa ka lamang sa iyong pandalumat
Isiping may taglay kang birtud o agimat
'Di kakapitan ng naknanaknak na sugat.

H'wag magtangkang tumanaw sa lumipas
'Pagkat lahat ng ito ay pawang napilas
H'wag maging propetang nanghuhula ng bukas
Kasalukuyan ay puno ng pandarahas.

Maglulunoy ka ba sa lagablab ng apoy
Hanggang matuklasan hiwaga ng kumunoy?
Bakit?Bakit nanasain mong maparool?
Sa kasalukuyang maraming humahatol.

Hindi katunggakan saglit na pagkawaglit
Ito'y pagbalikwas upang magbigay-init
Paglikha ng sariling paraiso't langit
Sa deliryo ng habagat na humahagupit.

Rebirth of the Ancient Cities

I

tiny creatures of the earth
submerged in mere folly
of an ancient cities; once
burned and sacked by
the heavens wrath

Woe to thee people of dust,
transporting thy self to the
hot mass of deluge, turning
against the path bestowed upon
the dilapidating race of mankind
by the Son of Man..

Who says that we live in an age
where gods of the myth
were already killed by the saints?

Who says that we live in an age
where idolatrous craps do not exist
any longer?

Thats at least for a while

For gods of the myth had only
put on a rest upon the fallacy
they once disseminated upon
our ancient fathers..
And now the idols have regained
their strength; reigning within
the threshold of rationalism.

II

A city breathing through the devils
breathe, kissed by the fallen mass
of angels, there rests the couch
he seeks and found, an idol god
named reason..

A throne imbued with the licks
of lust, drugs, and crime
and within the core of the sun,
in the name of an idol god,
there sprout out the culture of death,

spreading throughout his empire

Hail thou sleepers, get up and rise!
Climb the pinnacle of the highest plateau,
then come watch below..
Witness the rebirth of the ancient cities!

SAKTO LANG!!!

"kasabay ng pagpatak ng ulan ang pagbuhos ng pagmamahal na namamagitan sa ating dalawa.."

dehins na importante kung meron mang ibang hindi nakakaalam.. sakto nang alam ko na alam mo na mahalaga ka para saken.. sakto nang nararamdaman mo ang iisang pangarap nateng dalawa na yumayakap sa bawat umagang dumadating sa'ten.. tama nang malaman ko na ako ang nag-iisang stick ng kendi para sa lollipop mo.. ok na ung pagpapalitan naten ng ngiti sa gitna ng maulan na panahon..

hindi na kailangang punan ng isa pang oras ang pagtatagpo ng ating mga hakbang sa mataong kalsada.. hindi na din kailangan pang manatiling magkahawak ang kamay naten sa ilalim ng lamesa't patagong naghaharutan ang ating hinliliit habang kumakain tau kasama ang mga kaibigang patay malisya(?) sa kakaibang "CONCERN" naten para sa isa't isa.. -wink-

auko ng magrequest pa ng isa pang kindat mula sa langit.. dahil kalabisan na yon.. ou! isang kalabisan na siguro ang mga pagkakataon na nagsosolo tau sa "sulok" para magkamustahan at magkwentuhan.. masaya na din naman ung palihim nateng abutan ng araw-araw nateng regalo para sa isa't isa.. regalong nakatuwaang pulutin, pitasin, bilhin sa tabi-tabi.. ^___^ sweet? hahaha!

bakit pa ko maghahangad ng habangbuhay kung kasalukuyan ko na tong nararanasan.... sa piling mo at ng ulan!


saktong sakto lang..
saktang sakto ka lang para saken..
sakto para magpatuloy ang pag-iral ko..


MASAYA!!!!


*para ke ULAN*


-ako si banik-

PADAYON!!!

Lola at Tatay

Mainit
maalinsangan,
matao..
Hindi pansin ang ingay.
Tahimik
nagdarasal.

STARS TONIGHT

fall for me, stars tonight
put quite a show on for the world
streak the skies endless
for this melancholic girl

fall for me, stars tonight
let me not be the only one
who has fallen hard and forever
without a soft place to land

fall for me, stars tonight
like tears in beers, fall fast
fall endless as i have fallen
into sadness everlast

fall for me, stars tonight
flare up this darkened world
blaze the skies endless
for this disenchanted girl

Kung ikaw ang Liwanag...

Pakislapin mo pang higit
ang taglay mong sinag.
Bulagin mo na lang
ang mugto kong mga mata;
na ayaw ng lumuha pa
o magluksa sa siphayo't
kadustaang nadarama...

Kung nariyan pa ang poot
at alab mong dumadarang,
sunugin mo na rin ang
nananaghoy kong dila.
Pigilan itong makapaglitanya pa
at maisatinig ang mga taghoy
at bagabag ng konsensya
dahil sa kabulukang nakikita.

Kung magkakagayon,
hindi ko na lang masisilayan pa
ang mga daluyong at lagablab
na salimbayang kumakaway...
pumipisan sa sinilabang diwa.
Nagbabadya ng trahedya
sa lipunang lugmok
at tigmak sa luha ng pagdaralita.

O! kaypalad nilang bulag
na wala nang nakikita.
Walang galit na nadarama.
Walang kuyom na kamaong
isinusuntok sa duguang lupa.
Walang sugat ng hinanakit
at sinimpang ngitngit
sa nagpupuyos nilang dibdib.

Sa bawat buhay na napugto,
Sa bawat dilang naumid,
sa nilagok nilang tubig
ng takot at panganib.
Sa bangungot ng pagmamalupit
nilang mga haring kumikitil
sa daing at panaghoy
ng bayan kong tumatangis!

Kung ikaw ang liwanag...
bulagin mo na lang sa iyong sinag
ang mugto kong mga mata.
Idarang sa iyong apoy
ang nananaghoy kong dila.

Kundi mo man ito magawa
hayaan mo na lang ako
na maglambitin minsan pa
sa iyong mga silahis...
mangarap ng laya
mula sa aming pagkahapis.

Madama ko man lang...
Mapatotohanan ko man lang
na nariyan ka lang sa aming piling
tumatanglaw sa amin sa gitna ng dilim.

Alay

Hahawiin ang ulap

at ipakikita ang bahaghari.

Sa panahong kailangan ng tibay,

Letra'y magsisilbing tungtungan at gabay.

Gigisingin at imumulat

sa katotohanang nagaganap

sa mundong puno ng galit

kapayapaan ang tanging hangad .

Hindi pa ma'y natapos na,

mga pangarap at halakhak.

Pag-ibig na wagas,

bakit sa isang iglap,

nawala ng lahat?

Higpit, kakapit ka

sa bughaw na alaala.

Sabay sa iyong paghimlay,

namulat yaring mga mata.
Hiningang hiram,

buhay na alay,

pag-asa at pagmamahal

sa iyo ibibigay.

Katotohang salat sa kalayaang wagas

nagniningas na alaala ang sadyang

naiwang ilaw at lakas .

Tila alikabok,

nawala ng bigla,
mga buhay na sadyang mga walang sala.
Malakas na pagsabog ang nagmulat nga,

sa mga matang natutulog,

luha'y di mapigil sa pagtulo.

Igpaw ng damdamin
hindi na napigilan.

Liwanag na hanap

Sa dilim natagpuan.

Sa gabok nagmula

Nilamon ng luha

Amang mapagpala

Kayo na po ang bahala.

Anong kagandahan

ang maaangkin?

Dugo at pangarap,
hindi na maihahambing.

Tama bang sa inosente kailangang manggaling,

Pagkatok sa hustisya na may gintong dingding?

Sa layo ng narating ay

nadinig pa rin,

mga palahaw at daing

na mga kapatid natin.

magpanting man ang tainga,

sisihin man ang dapat sisihin,

wala namang magagawa

kundi ang manalangin.

(Salamat sa mga sumuporta: Pen Palaboy, AnnaKris, Tony, Joanne, Tantrum, Maj, Zkey, Bj at Ironman)