bulong sa buwan

kung may paran sana upang marinig mo
ang isinisigaw ng damdamin ko..
sana'y naibulong ko na ito.
kung matatangay lamang ng hangin
itong mga halik ko patungo sa mga labi mo,
sana'y naramdaman mo na ang init nito.
kung may paraan sana upang madama mo ang mga yakap ko,
sana'y nakabalot ka na sa mga bisig ko.
kung sana'y sa bawat pagmulat ng mga mata'y
ikaw ang nakikita,
di sana'y ikaw ay kapiling na.
kung may paraan lamang sana..

O.N.S

Unan mo’y mga bisig ko
Sa aandap-andap na ilaw
Kinumutan kita ng yakap
Hingal at kapwa sisinghap-singhap

Salikop ng labi mong bumibigay buhay
Angkin mo’t ayaw mapaghiwalay
Mga anghel kaya’y magalit
Sa mapangahas kong pagpuslit
Sa likurang pintuan ng langit?


Buong lakas kong naisambulat
Sinimot, nilasap mo, ulang kumalat
Pagbuhos ng bugso ng nakaw na saglit
Saan kaya kakanlong, sa bagyong masalimuot

Ngunit haring araw, lulok na sa kanyang trono
Bangon na, bago pa man makahalata ang mundo
Halik ang syang tanging huling gawad
Bago lisanin, unan, kumot, bisig, at nakaw na saglit


***
nanalo yung poem na ONS sa meritage press holiday poetry contest

Bakas ni Hudas

Kuyom yaring palad, sa kamay na may pilak
Larawan ng pagkabata, ano na nga’t nawawala.
Tukso sa kanyang laman, lason din sa isipan
Pilit iwinawaksi sa dilim hinahabi.

Hinubog ng panahon sa nakitang mga hirap
Palabra sa sarili’y dugo ang naging panulat
Lumayag na may bagwis, sa laot napadpad
Lupang pinangarap, sa ganid na hinayupak!

Bitbit tanging alam, Propetang pinagkamalan
Ililigtas daw sila, maging sa kapahamakan
Pinilit maging Malaya, pinaupo ng may sala
Sa limayon ni Magdalena, Hala! Tila naging abala.

Mataas pa sa kalabaw, tingin ay isang paham
Mga bata sa putikan ano baga’t tinuturuan
Huwad kung turingan, hindi nila alam
Sa kamay na may pilak, bitbit kahit saan.

Kristong ipinapako, sa mga Hudyo isinisi
Sa tangan mong pilak anong iyong masasabi
Mag sa Pilato ka man, hugasan maging katawan
Isa ka sa dahilan kung bakit tayo naging ganyan.

twenty minutes...

Standing on a corner…
twenty minutes
before your vow.
I was still hoping
that you won’t come…
but you did.

I will leave the place
with a heavy heart.
tryin’ to imagine
that I am that man
kneeling next to you…

Twenty minutes.
It will soon be over…
and with twenty deep cuts
on my wrist,
perhaps….just perhaps…
the pain will subside.

and everything will be over.

Hiling Ninyo'y Lupa

Hiling Ninyo’y Lupa
(Sa alaala ng mga Martir ng Mendiola Massacre)

Nakatindig akong kasama n’yo
sa balisbisang iyon ng Mendiola…
sa harap ng sementadong tulay
na naghiwalay sa atin mula sa kanila…
silang mga panginoon dito sa lupa,
at tayong mga aliping bumubungkal ng lupa.

Naroon ako.
Anak din ako ng lupa…
at sumusumpa akong wala kayong kasalanan
sa katampalasanang ipinalasap sa inyo
sa madugong araw ng Enerong iyon.

Sumisigaw kayo't humihiling
ng lupa…
ng buhay…
Nais ninyong madama nila
na ang lupa ay inyong buhay…
at ang buhay nyo'y kadugtong na ng lupa.

Hindi kayo nagtungo roon
upang wari'y sumugba sa apoy…
upang kitlan ng hininga…
manapa'y ninais nyo lamang
na madugtungan pa ang inyong buhay.

Wala kayong kasalanan…
para yurakan at barilin ang inyong tanging hiling.
Ang nais lamang ninyo'y lupa.

Nakatindig pa rin ako.
isinisigaw ang hiling n'yo…
HINDI BALA … KUNDI LUPA.
************************************
Inilathala ng Bulatlat (www.bulatlat.com)
Vol. VII, No. 47, January 6-12, 2008

Heart and Mind

To think about on how to fall
Is it a process to crawl?

At start looking
At end comes staring

Then liking
To beside the person always, you’ve wanting

To holding
And helping

To having conversations
A long hour of talking

To that and to remembering
From caring and now loving

Then here it comes, confusing
A question you’ll be asking

From a mind, it’s only a friendly thing
But to a heart it is romantic, you are falling.

Isang Panawagan!!!

Gumawa po ako ng Fun climb Itinerary para na rin sa ating matagal ng inaasam na GEB. Actually, lakad ko po ito talaga itong darating na sunday. Nagbabakasali lang po ako kung may interesadong sumama. Kung sakali mang wala eh tuloy pa rin po ako mag-isa(hehehehe).

ANG PAGTATAGPO NG MGA LIGAW NA MANUNULAT(Part 1)

Fun Climb: Mt. Manalmon/Gola
(Sitio Madlum, Brgy Sibul San Miguel Bulacan)
January 13, 2008
Budget: 800Php(maluho na yan)
Food: Pack Lunch

0600 Kitakits at BALIWAG Terminal Cubao
0700 ETD from Cubao, take bus bound to Cabanatuan (120Php)
1000 ETA Brgy. Kamias, San Miguel; take tricycle to jump-off (P50)
1030 Arrive at jump-off; register and get guides
1100 Packs on back/ Start Trek(adventure begins)
1200 ETA foot of Mt. Manalmon
1300 ETA peak; Chow Yun Fat/Kodakan/Tawanan na walang humpay
1400 Start descent
1500 Back at river maya/ Swimming/kwenthuhan/Merienda/Poetry Reading(Oha!)
1600 Final preparation
1700 ETD from jump-off (point of origin)
1730 ETA Brgy Kamias, San Miguel Bulacan(take bus bound to Pasay)
2100 Nasa bahay na kayo dala ang alaala ng pag-akyat…..

Mga kailangan dalahin:
Pack Lunch and Merienda
2 liters of water
Bag Pack
Kikay Kit(hindi pwede magdala ng blush-on Joke!)
Pack Lunch
Trash Bag/Plastic bag (para sa basang damit)
3 shirts and underwears/ shorts/trekking pants(kung meron)
Trekking shoes/Sandals/Havianas(kung wala kayo nito, ang Rambo Red ay pwede)
Camera (sa mga mahilig magposing-posing)

Paalala:

Sa mga gustong sumama ay iemail po ako sa Likastubig@yahoo.com. Maaari rin po kayong magsama ng inyong mga kaibigan. Siguraduhin lang po na siya ay matino at walang sayad(joke). Ang Mt. Manalmon po ay isa ng National Park kaya panatilihin po nating nasa ayos ang lahat. Maging sensitibo din po tayo sa ating paligid at sa mga taong naninirahan sa paligid nito. Mahigpit pong ipinagbabawal ang bandalismo, pagiingay at pagkakalat sa lugar. Ipinagbabawal din po ang pumutol ng punong kahoy at pagtripan ang mga pananim.
Kayo po ay pinapayuhang magdala ng Trekking Sandals o kaya ay tsinelas(bukod pa sa sapatos) dahil tayo po ay tatawid ng River Maya. Ito po ay para maiwasan na mabasa ang inyong mga sapatos at upang maiwasan na rin ang pangangamoy ng inyong mga paa. Wala pong hiraman ng toothbrush subalit maari pong manghingi ng toothpaste. Pinapayuhan din po ang mga sasama na huwag mag skinny jeans. Tayo po ay tatawid ng ilog kaya ang shorts o salawal ay tunay na kinakailangan. Ang pantalon po ay maaari na ninyong gamitin paguwi. Huwag din po palang kalilimutan ang mga gagamitin ninyo sa inyong pagkain(kutsara at tinidor). Maaari din po kayong magdala ng mga dilata dahil may malulutuan naman po tayo. Picnic style po tayo sa Merienda kaya hati-hati na lang po sa mga dala nating pagkain. Masaya yun diba. AMININ MO!!!

Iemail po ninyo sa akin hanggang Miyerkules ang inyong mga free time at Location this week upang maiSet natin ang Pre-climb. Wala pong magaganap na pag-akyat kung hindi tayo magkakaroon ng Pre-climb. Ito po ay upang maiwasan ang ano mang pagkalito at upang mabigyan kayo ng sapat na kaalaman sa ating gagawing pag-akyat. Hinihingi po ang kooperasyon ng mga taong nais sumama. Lilimitahan din po natin sa 20 katao lamang ang makakasama upang mabigyang ng sapat na pansin ang bawat isa. Ito po ay kukuhanin sa mga makakaattend ng Pre-climb. Maraming salamat po at maligayang pag-iisip. Godbless!!!


Trivia:

Ang Mt. Manalmon ay may taas na 196+ MASL(ayon sa pinoy mountaineer group) at isa mga paborito ng mga mamumundok. Bukod kasi sa ganda ng mga tanawin ay malakas din ang hatak ng Madlum River na tunay naming kaaya-aya ang pagligo. Ang bundok na ito ay nananahan sa Brgy Sitio Madlum, San Miguel Bulacan. Bukod pa sa ilog at bundok ay marami din ditong kweba o cave. Madlum Cave, Bayukbok Cave(pinaka-sikat na cave dito) at Victoria cave. Maaari din itong puntahan ng kung sino-man nagnanais makapasok dito. Ipagbigay alam lamang ito sa inyong giya(guide) upang maihanda ang mga kailangan gamitin.

Ang lugar ding ito ay paborito ng GMA 7(kapuso) na pagkuhanan ng mga teleserye at iba pa nilang programa. Dito kinuhanan ang pelikulang Mulawin at ilang eksena sa ZAIDO(“bakat” ang tawag ng isa kong kaibigan babae). Dito rin kinuhan ang mga ilang eksena sa Extra Challenge ni Paolo Bediones at ilang programa na plano sa akin ibigay ng Kapuso(hahaha). Pananim na gulay at Lungaw(paggawa ng uling) ang ilan sa kanilang pinaghahanapbuhayan.

Eko-Turismo:

Sa tulong ng Miriam PEACE, Peace Corp Volunteers, Philippine Australian Community Assistance Program at DENR ay bumuo sila ng barkadahan na tinatawag na MADLUM CAVE GUIDE GROUP. Isa ito sa mga nakalaban ng Street Boys nung araw(joke). Ang MCGG ay ang nagsisilbing giya ng mga turistang gustong pumasok ng cave, mag-camping at iba pa.

Ang ilan pa sa mga nasimulan ng “barkadahan” nila ay ang “communal” fishpond particular na ang tilapia at paggawa ng bamboo handicrafts/souvenirs. Sa kasalukuyan, ang pangteknikal na aspeto ng kanilang kabuhayan ay nagmumula sa mga unibersidad ng UP Los Banos at CLSU sa Nueva Ecija. May ugnayan din sa ibat’-ibang ahensya ng gobyerno katulad ng Department of Agriculture.

(Ang mga impormasyon ay mula sa M.A.D.L.U.M. Inc.,)



Tara na………….



Kuha ni:ZKEY